Etota
ܡܦܝܫܬܐ ܒܫܝܢܐ ܕܩܕܝܫܘܬܗ ܡܪܢ ܦܛܪܝܪܟܝܣ
ܥܘܼܢܵܝܵܐ:
ܒܫܲܝܢܵܐ ܐ݇ܬܹܐ ܠܘܼܟ̣ ܒܫܲܝܢܵܐ ܐܵܙܸܠ݇ܬ ܐܲܒ̣ܘܼܢ ܡܵܪܲܢ ܕܸܢܚܵܐ
ܫܠܵܡܘܼܟ̣ ܥܲܡܲܢ ܘܥܲܡܘܼܟ̣ ܫܠܵܡܹܗ ܕܡܲܠܟܵܐ ܕܫܠܵܡܵܐ ܡܫܝܼܚܵܐ
ܒܵܬܹ̈ܐ:
ܐ݇ܬܹܐܡܘܿܢ ܟܠܲܢ ܡܲܣܩܲܚ ܫܘܼܒ̣ܚܵܐ ܒ̈ܩܵܠܹܐ ܕܗܲܠܸܠܘܿܝܵܗ
ܠܒܵܒܵܐ ܘܒܪܘܿܢܵܐ ܘܪܘܿܚܐ ܕܩܘܼܕܫܵܐ ܐܲܠܵܗܵܐ ܒܵܪܘܿܝܵܐ
ܥܲܠ ܚܲܕܼܘܼܬܼܵܐ ܕܗܘܹܐ ܠܵܗܿ ܠܟܸܢܫܲܢ ܒܗܵܢܵܐ ܝܵܘܡܵܐ ܦܲܐܝܵܐ
ܒܣܵܥܘܿܪܘܼܬܹܗ ܕܩܵܬܼܘܿܠܝܼܩܵܐ ܠܐܲܬܼܪܲܢ ܢܘܼܗܲܕܪܵܝܵܐ
ܥܘܢܝܐ: ….
ܐ݇ܬܹܐ ܠܲܢ ܛܥܝܼܢܹ̈ܐ ܙܲܝܬܵܐ ܐܵܬܵܐ ܕܫܠܵܵܡܵܐ ܐܲܠܵܗܵܝܵܐ
ܠܗܝܼܩܹ̈ܐ ܬܦܸܩܠܲܢ ܐܸܗܝܹ̈ܐ ܫܬܹܐ ܠܲܢ ܚܘܼܒܘܼܼ ܐܲܒ̣ܵܗܵܝܵܐ
ܠܵܐ ܡܘܿܢ̈ܫܝܼܹܐ ܡܘܿܚ̈ܢܝܼܹܐ ܝ݇ܘ݇ܚ ܗܘܵܘ ܚܙܹܐ ܠܲܢ ܐܲܒ̣ܘܼܢ ܙܲܗܝܵܐ
ܘܩܵܐ ܕܚܵܙܲܚܠܘܼܟ̣ ܡܸܢ݇ܕܪܹܫ ܛܠܵܒܵܐ ܝ݇ܘ݇ܚ ܡܝܼܫܘܿܥ ܡܫܝܼܚܵܐ ܡܵܪܝܵܐ
ܥܘܢܝܐ: ….
ܪܵܥܝܵܐ ܘܥܵܢܵܐ ܬܦܸܩܠܲܢ ܘܬܵܦܩܲܚ ܒܚܘܼܒܵܐ ܘܫܠܵܡܵܐ ܘܫܲܝܢܵܐ
ܩܘܼܪܒܵܐ ܡܸܢܲܢ ܟܡܵܐ ܕܐܸܢ ܪܵܚܩܸܬ ܒܐܲܬܼܪܵܐ ܘܕܘܼܟܬܵܐ ܘܙܲܒ̣ܢܵܐ
ܐܝܼܢܵܐ ܒܣܲܒ̣ܪܵܐ ܝ݇ܘ݇ܚ ܕܩܘܼܪܒܵܐ ܚܵܙܲܚ ܦܲܪܐܘܿܦܘܼܟ̣ ܢܘܿܗܪܵܢܵܐ
ܕܟܠܲܢ ܒܟܠܲܢ ܗܵܘܲܚ ܚܝܵܝܵܐ ܒܚܲܕܼܘܼܬܼܵܐ ܒܟܠ ܥܸܕܵܵܢܵܐ
ܥܘܢܝܐ: …
ܦܫܠܗ݁ ܟܬܝܒ̣ܬܐ ܒܝܕ ܩܫܝܫܐ ܥܡܢܘܐܝܠ ܒܝܬܘ ܝܘܚܢܢ
ܢܘܗܕܪܐ 1990 ܒܦܘܪܣܐ ܕܣܥܘܪܘܬܗ ܕܡܪܢ ܦܛܪܝܪܟܝܣ ܡܪܝ ܕܢܚܐ ܪܒ̣ܝܥܝܐ ܠܦܢܝܬܐ ܕܢܘܗܕܪܐ.
ܗܕܐ ܡܫܘܚܬܐ ܡܘܠܚܡܬܐ ܝܠܗ݁ ܒܟܝܠܐ ܦܪܝܫܐ ܕܦܝܫܐ ܙܡܝܪܬܐ ܒܚܕܐ ܩܝܢܬܐ ܬܒ̣ܝܠܝܬܐ ܡܫܡܗܬܐ ܕܛܒ̣ ܡܗܢܝܢܝܬܐ ܝܠܗ݁