ܡܫܘܚܬܐ ܠܐܝܩܪܐ ܕܣܗܕ̈ܐ ܝܘܒܪܬ ܘܝܘܣܦ ܘܝܘܚܢܢ

ܡܫܘܚܬܐ ܠܐܝܩܪܐ ܕܣܗܕ̈ܐ ܝܘܒܪܬ ܘܝܘܣܦ ܘܝܘܚܢܢ

ܬܠܵܬ̣ܵܐ ܣܵܗܕ̈ܐ ܛܲܢܵܢܹ̈ܐ ܬܠܵܬ̣ܵܐ ܫܪܵ̈ܓܹܐ ܢܘܿܗܪܵܢܹܐ

ܬܠܵܬ̣ܵܐ ܐ݇ܣܛܘܿܢܹ̈ܐ ܣܵܢܕܵܢܹ̈ܐ ܕܘܼܡܣܵܐ ܕܒܸܢܝܵܢܵܟ̣ܝ ܐܵܬ̣ܘܿܪ

ܙܩܝܼܦܵܐ ܘܢܝܼܪܵܐ ܥܲܠ ܪܸܦ̮ܫܲܝܗܝ ܡܘܿܩܪܸܒܼܠܗܘܿܢ ܕܸܒܼܚܵܐ ܢܲܦ̮ܫܲܝܗܝ

ܨܸܡܚܵܐ ܒܲܗܪܵܢܵܐ ܕܫܸܡܫܲܝܗܝ ܒܲܗܪܘܿܢܹܐ ܐܘܿܪܚܵܟ̣ܝ ܐܵܬ̣ܘܿܪ

ܝܘܼܒܸܪܬ، ܝܵܘܣܸܦ ܘܝܘܿܚܲܢܵܢ ܬܠܵܬ̣ܵܐ ܣܵܗܕܹ̈ܐ ܒܢܲܝ̈ ܐܘܼܡܬܲܢ

ܩܘܼܪܒܵܢܵܐ ܡܩܘܿܒܠܵܐ ܚܠܵܦܲܝܢ ܒܣܲܒܼܪܵܐ ܕܩܘܼܝܵܡܵܟ̣ܝ ܐܵܬ̣ܘܿܪ

ܫܲܒܼܥܵܐ ܝܲܪ̈ܚܹܐ ܕܓ̃ܘܼܢܓ̃ܵܪܹ̈ܐ ܦܲܟܹ̈ܐ، ܣܟܝܼܢܹ̈ܐ ܘܚܲܢܓ̃ܵܪܹ̈ܐ

ܡܣܘܿܝܒܸܪܗܘܿܢ ܐܲܝܟ̣ ܓܲܢ݇ܒܵܪܹ̈ܐ ܥܠܲܝܡܹ̈ܐ ܛܲܢܵܢܹ̈ܐ ܕܐܵܬ̣ܘܿܪ

ܚܲܝܘܼܬ̣ܵܐ ܘܠܵܐ ܝ݇ܠܵܗܿ ܡܵܘܬܵܐ ܒܸܩܢܵܝܵܐ ܣܵܗ̈ܕܹܐ ܕܐܘܼܡܬܵܐ

ܟܲܕ ܙܩܝܼܦܹ̈ܐ ܥܲܠ ܓܵܓܼܘܿܠܬܵܐ ܕܚܲܝܹܐ ܘܚܹܐܪܘܼܬ̣ܵܐ ܕܐܵܬ̣ܘܿܪ

ܕܸܒܼܚܵܐ ܚܵܝܵܐ ܕܣܸܡܹܝܠܹܐ ܐܸܕܝܘܿܡ ܝܵܘܡܵܐ ܗܵܐ ܬܢܹܐܠܹܗ

ܟܡܵܐ ܕܝܵܪܸܟ̣ ܐܵܗܵܐ ܠܲܝܠܹܐ ܒܸܕ ܙܵܪܩܵܐ ܫܸܡܫܵܟ̣ܝ ܐܵܬ̣ܘܿܪ

ܝܸܡܵܐ ܕܣܵܗ̈ܕܹܐ ܝܵܐ ܐܵܬ̣ܘܿܪ ܝܸܡܵܐ ܕܚܹܐܪܹ̈ܐ ܝܵܐ ܐܵܬ̣ܘܿܪ

ܒܕܸܡܵܐ ܕܣܵܗ̈ܕܹܐ ܝܵܐ ܐܵܬ̣ܘܿܪ ܐܘܼܪܚܵܟ̣ܝ ܡܫܘܿܘܵܝܬܵܐ ܐܵܬ̣ܘܿܪ

ܩܫܝܫܐ ܥܡܢܘܐܝܠ ܝܘܚܢܢ

 ܢܘܗܕܪܐ ܫܒܛ 1985