ܣܘܓ̣ܝܬܐ ܠܩܘܒܠ ܐܒ̣ܗ̈ܬܐ

ܣܘܓ̣ܝܬܐ ܠܩܘܒܠ ܐܒ̣ܗ̈ܬܐ

ܒܐܵܗܵܐ ܝܵܘܡܵܐ ܦܪܝܼܫ ܒܝܵܘܡܵܢܹ̈ܐ ܦܠܝܼܛܹ̈ܐ ܝ݇ܘ݇ܚ ܟܠܲܢ ܒܝܲܕ݂ ܐܘܿܫܲܥܢܹ̈ܐ

ܠܩܘܼܒܵܠ ܐܲܒ݂ܘܿܢ ܪܹܫ ܥܲܠܠܵܢܹ̈ܐ ܡܵܪܲܢ ܕܸܢܚܵܐ ܡܠܸܐ ܢܸܨܚܵܢܹ̈ܐ

ܡܟܠ ܡܲܪ̈ܥܝܵܬ݂ܵܐ ܦܢܝܼܢ݂ܵܐ ܘܕܘܼܟܵܐ ܟܦܝܼܫܵܐ ܟܸܢܫܵܐ ܛܥܝܼܢܵܐ ܣܵܘܟܵܐ

ܠܐܘܼܪܥܹܗ ܕܪܵܥܝܲܢ ܦܵܛܲܪܝܵܪܟܵܐ ܫܸܡܫܵܐ ܠܘܼܩܒܲܠ ܢܘܼܗܪܹܗ ܚܸܫܟܵܐ

ܢܘܿܗܪܵܐ ܪܲܒܵܐ ܕܩܵܬ݂ܘܿܠܝܼܩܵܐ ܓܵܘܵܗ݁ ܕܦܢܝܼܬܲܢ ܐܸܕܝܘܿܡ ܙܪܝܼܩܵܐ

ܟܠܹܗ ܟܸܢܫܲܢ ܠܚܙܵܝܬܘܼܟ݂ ܠܗܝܼܩܵܐ ܥܲܠ ܨ̈ܠܵܘܵܬ݂ܘܼܟ݂ ܘܪ̈ܲܚܡܘܼܟ݂ ܣܢܝܼܩܵܐ

ܬܵܐ ܒܲܫܠܵܡܵܐ ܡܵܢܵܐ ܕܲܟ݂ܝܵܐ ܦܲܛܪܘܿܣ ܕܲܬ݂ܪܹܝܢ ܫܠܝܼܚܵܐ ܓܲܒ݂ܝܵܐ

ܪܹܫܐ ܕܥܹܕܬܲܢ ܐܲܒ݂ܘܼܢ ܙܲܗܝܵܐ ܡܵܪܲܢ ܕܸܢܚܵܐ ܫܸܡܫܵܐ ܓܲܐܝܵܐ

ܬܵܐ ܒܲܫܠܵܡܵܐ ܫܸܡܥܘܿܢ ܟܹܐܦܵܐ ܚܘܼܛܪܘܼܟ݂ ܪܵܡܵܐ ܡܵܪܹܐ ܚܹܐܦܵܐ

ܨܠܘܿܬ݂ܘܿܟ݂ ܗܵܘܝܵܐ ܒܐܝܼܕܲܝܢ ܣܲܝܦܵܐ ܦܵܣܩܵܐ ܡܟܸܢܫܲܢ ܒܝܼܫܬܵܐ ܘܙܹܐܦܵܐ

ܬܵܐ ܒܲܫܠܵܡܵܐ ܫܪܝܼ ܒܲܫܠܵܡܵܐ ܬܲܚܠܘܿܦ ܟܫܝܼܚܵܐ ܡܲܠܟܵܐ ܕܫܠܵܡܵܐ

ܨܠܘܿܬ݂ܘܼܟ݂ ܗܵܘܝܵܐ ܫܘܼܪܵܐ ܪܵܡܵܐ ܢܵܛܪܵܐ ܠܥܹܕܬܘܼܟ݂ ܒܠܹܝܠ ܘܐܝܼܡܵܡܵܐ

ܦܨܘܿܚ ܡܲܪܥܝܼܬ݂ܵܐ ܙܡܘܿܪ ܙܘܼܡܵܪܵܐ ܗܲܠܸܠ ܫܲܒܲܚ ܒܩܵܠ ܩܝܼܬ݂ܵܪܵܐ

ܒܐܵܗܵܐ ܝܵܘܡܵܐ ܥܒ݂ܘܿܕ݂ ܫܘܼܒ݂ܗܵܪܵܐ ܕܐ݇ܬܹܐܠܹܗ ܪܵܥܝܵܟ݂ܝ ܠܒ݂ܝܼܫܵܐ ܢܘܿܗܪܵܐ

ܟܸܢܫܵܐ ܕܟܵܗܢܹ̈ܐ ܥܲܡ ܡܫܲܡܫܵܢܹ̈ܐ ܒܩܵܠ ܩܝܼ̈ܢܵܬ݂ܵܐ ܗܘܵܘ ܡܙܲܡܪ̈ܵܢܹܐ

ܠܐܘܼܪܥܵܐ ܕܐܲܒ݂ܘܼܢ ܪܲܒ ܡܕܲܒܪ̈ܵܢܹܐ ܟܠܝܼܠܵܐ ܕܪܹܫܲܢ ܡܠܸܐ ܥܘܼܕܪ̈ܵܢܹܐ

ܣܵܒ݂ܵܐ ܥܠܲܝܡܵܐ ܐܲܢ݇ܬܬ݂ܵܐ ܘܓܲܒ݂ܪܵܐ ܥܲܡ ܓܲܕܘܼܕܵܐ ܛܲܠܝܵܐ ܘܫܲܒ݂ܪܵܐ

ܚܕܹܐܡܘܼܢ ܦܨܘܿܚܘܼܢ ܩܢܹܐܡܘܼܢ ܣܲܒ݂ܪܵܐ ܡܩܲܕܝܼܫܘܼܬܹܗ ܠܒ݂ܝܼܫܵܐ ܗܸܕ݂ܪܵܐ

ܫܘܼܒ݂ܚܵܐ ܘܚܸܩܪܵܐ ܡܟܠ ܣܸܦ̈ܘܵܬ݂ܵܐ ܐܵܦ ܬܵܘܕܝܼܬ݂ܵܐ ܥܲܡ ܣܸܓ݂̈ܕܵܬ݂ܵܐ

ܠܐܲܠܵܗ ܟܠܵܗ݁ ܩܢܘܿܡܹ̈ܐ ܬܠܵܬ݂ܵܐ ܠܥܵܠܲܡ ܥܵܠܡܝܼܢ ܐܵܡܹܝܢ ܘܐܵܡܹܝܢ